گل گل دئیه هجرینده کامان تک مله دیم من
بیر عمرو سنین عشقینه قربان ائله دیم من
آسوده طفل دین،نه غمین واردی،نه دردین
دردیم له سنین گؤزلرینی سورمه له دیم من
حسّیم سنه گل گل دئدی، عقلیم دئدی گئت گئت
بو قانلی دؤیوشدن منه امداد دیله دیم من
عشقیم ده قاخینج اولدو منیم باشیما هر گون
بیر عشقین اوجوندان نه قدر طعنه یئدیم من
اؤز حسّینی دوستاق ائله ین بختیار اولماز
اؤز عشقیمه اؤز کؤنلومو زندان ائله دیم من
علاقه مندی ها (Bookmarks)